Morning Prayer

ಆಮ್ಚ್ಯಾ ಬಾಪಾ, ಸರ್ಗಿಂಚ್ಯಾ | ತುಜೆಂ ನಾಂವ್ ಪವಿತ್ರ್ ಜಾಂವ್ | ತುಜೆಂ ರಾಜ್ ಯೆಂವ್ | ತುಜಿ ಖುಶಿ ಸರ್ಗಾರ್ ಜಾತಾ, | ತಶಿ ಸಂಸಾರಾಂತ್ ಜಾಂವ್.
ಆಮ್ಚೊ ದಿಸ್ಪಡ್ತೊ ಗ್ರಾಸ್ ಆಜ್ ಆಮ್ಕಾಂ ದಿ, | ಆನಿ ಆಮಿ ಆಮ್ಚೆರ್ ಚುಕ್ಲಲ್ಯಾಂಕ್ ಭಗ್ಶಿತಾಂವ್, | ತಶೆಂ ಆಮ್ಚಿಂ ಪಾತ್ಕಾಂ ಭಗಸ್. | ಆನಿ ಆಮ್ಕಾಂ ತಾಳ್ಣೆಂತ್ ಪಡುಂಕ್ ದಿಂವ್ ನಾಕಾ, | ಪೂಣ್ ವಾಯ್ಟಾಂತ್ಲಿಂ ಆಮ್ಕಾಂ ನಿವಾರ್ | ಆಮೆನ್.

ಏ ಜೆಜುಚ್ಯಾ ದೈವಿಕ್ ಕಾಳ್ಜಾ, | ಆಯ್ಚ್ಯಾ ದಿಸಾಚಿಂ ಸರ್ವ್ ಮ್ಹಜಿಂ ಮಾಗ್ಣಿಂ, ಕಾಮಾಂ ಆನಿ ಕಷ್ಟ್ | ಆಮ್ಚ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾ ಪಾಸತ್ | ಆನಿ ಆಲ್ತಾರಿಚ್ಯಾ ಭೊವ್ ಪವಿತ್ರ್ ಸಾಕ್ರಾಮೆಂತಾಂತ್ ತುವೆಂ ತುಕಾಚ್ ಖಳನಾಸ್ತಾನಾ ಭೆಟೊಂವ್ಚ್ಯಾ ಸಮೆಸ್ತ್ ಇರಾದ್ಯಾಂ ಪಾಸತ್, | ಭಾಗೆವಂತ್ ಆಂಕ್ವಾರ್ ಮರಿಯೆಚ್ಯಾ ಖತಾವಿಣ್ ಕಾಳ್ಜಾ ಮಾರಿಫಾತ್ ಹಾಂವ್ ತುಕಾ ಭೆಟಯ್ತಾಂ. | ಪ್ರತ್ಯೇಕ್ ಜಾವ್ನ್| ಮಾಗ್ಣ್ಯಾಚ್ಯಾ ಆಪೊಸ್ತಲಾದಿಚ್ಯಾ ಇರಾದ್ಯಾಂ ಪಾಸತ್, | ಆನಿ ಪಾಪಾನ್ ಹ್ಯಾ ಮಹಿನ್ಯಾಕ್ ದಾಕೊವ್ನ್ ದಿಲ್ಲ್ಯಾ ಇರಾದ್ಯಾಂ ಪಾಸತ್ | ಹೆಂ ಸರ್ವ್ ಹಾಂವ್ ತುಕಾ ಭೆಟಯ್ತಾಂ.
ಸರ್ವ್ ತುಜ್ಯೆ ಪಾಸತ್, ಏ ಜೆಜುಚ್ಯಾ ಭೊವ್ ಪವಿತ್ರ್ ಕಾಳ್ಜಾ| ಏ ಜೆಜುಚ್ಯಾ ದೇವ್ ಕಾಳ್ಜಾ | ತುಜೆಂ ರಾಜ್ಯ್ ಯೆಂವ್.
ಆಯ್ಚ್ಯಾ ದಿಸಾಚ್ಯಾ ಮ್ಹಜ್ಯಾ ಮಾಗ್ಣ್ಯಾಂಕ್ ಆನಿ ಬರ್ಯಾ ಕರ್ನ್ಯಾಂಕ್ ಲಾಗುನ್ ಆಸ್ಚಿ “ಶಿಕ್ಷಾಮಾಫಿ” (ಇಂದುಲ್ಜೆನ್ಸಾಂ) ಜೊಡುಂಕ್, | ಹಾಂವ್ ಖುಶಿ ವ್ಹರ್ತಾಂ.
ಸೊಮ್ಯಾ ಜೆಜು, | ತುಜ್ಯಾ ಭೊವ್ ದೈವಿಕ್ ಕಾಳ್ಜಾಚ್ಯೆ ಸಸಾಯೆನ್ ರಾಕ್ ಆಮ್ಚ್ಯಾ ಭೊವ್ ಭಾಗೆವಂತ್ ಪಾಪಾಕ್; ತುಂ ತಾಕಾ ಉಜ್ವಾಡ್, | ಘಟಾಯ್ ಆನಿ ಬುಜವಣ್ ಜಾ.

ನಮನ್ ಮರಿಯೆ, ಕುರ್ಪೆನ್ ಭರ್ಲಲ್ಯೆ, | ಸೊಮಿ ತುಜ್ಯೆ ಸಾಂಗಾತಾ, | ಸ್ತ್ರಿಯಾಂ ಭಿತರ್ ತುಂ ಸದೆಂವ್, | ಆನಿ ಸದೆಂವಿ ಫಳ್ ತುಜ್ಯೆ ಕುಶಿಚೆಂ, ಜೆಜು.

ಭಾಗೆವಂತಿ ಮರಿಯೆ, ದೆವಾಚ್ಯೆ ಮಾಯೆ, | ಆಮಾ ಪಾಪ್ಯಾಂ ಖಾತಿರ್ ವಿನತಿ ಕರ್, | ಆತಾಂ ಆನಿ ಆಮ್ಚ್ಯಾ ಮರ್ಣಾಚ್ಯೆ ಕಾಳಿಂ.| ಆಮೆನ್.

ಮಹಿಮಾ ಬಾಪಾಕ್ | ಆನಿ ಪುತಾಕ್ | ಆನಿ ಪವಿತ್ರ್ ಅತ್ಮ್ಯಾಕ್; ಜಶಿ ಆದಿಂ | ತಶಿಚ್ ಆತಾಂ | ಆನಿ ಸದಾಂ ಸರ್ವದಾಂ. | ಆಮೆನ್.

ಬಾಪಾಚ್ಯೆ | ಆನಿ ಪುತಾಚ್ಯೆ | ಆನಿ ಪವಿತ್ರ್ ಅತ್ಮ್ಯಾಚ್ಯೆ ನಾಂವಿಂ. | ಆಮೆನ್.